MEDALLAS E DIPLOMAS

Hoxe, 18 de xuño, celebrouse o acto de entrega das medallas e diplomas aos escritores e lectores olímpicos. Por suposto o alumnado de terceiro e cuarto tamén tivo os seus gañadores e os seus participantes. Tedes máis información no blog da nosa biblioteca.
Os medallistas foron Aixa, Anxo, Mario, Saray, María F., Andrea C., Ana e Adriana R.

OLIMPÍADAS NO MESTRES GOLDAR

O pasado 1 de xuño celebráronse as Olimpíadas no Ceip Mestres Goldar, cun gran éxito e total participación do alumnado do centro. Para máis información  preme  Recanto de Mik

CARROS DE FUEGO (Chariots of fire)

Gozade todos e todas deste impresionante vídeo de Vangelis gravado en directo na Acrópolis de Atenas (Templo de Zeus),que como sabedes foi a música escollida para a exposición das cidades e países olímpicos do segundo ciclo.



A película conseguiu catro Oscars en 1982, por suposto un deles foi esta incrible banda sonora.  

CIDADES E PAÍSES OLÍMPICOS

Onte foi o día que os expertos e expertas, vestidos de gregos e gregas, do segundo ciclo, deron a coñecer toda a súa sabiduría sobre as cidades e países olímpicos. A pesar dos nervios, a exposición do traballo resultou de marabilla, e foi un estupendo final ao gran traballo de colaboración e investigación realizado.
Podedes atopar máis información no Recanto de Mik e na páxina web do colexio.

 Noraboa!

CIDADES E PAÍSES OLÍMPICOS - foto montaje

INCRIBLE AVENTURA EN LONDRES

Aquí podedes ver, ler e disfrutar co conto elaborado e ilustrado polo alumnado do segundo ciclo (terceiro e cuarto).

Open publication - Free publishing - More contos

CERIMONIA ACENDIDO FACHO OLÍMPICO

Hoxe celebrouse a cerimonia do acendido do facho olímpico. A actriz Ino Menegaki, no papel de Gran Sacerdotisa de Olimpia, escoltada por dez mulleres en representación das Virxes Vestais, entregou a chama a Spyros Yanniotis. Nada impediu que Apolo acendese o lume sagrado dos Xogos Olímpicos de Londres na antigua Olimpia, sé dos primeiros xogos, para que chegue puntual á súa cita na capital británica o próximo 27 de xullo..

         

MARCAPÁXINAS OLÍMPICOS

Tedes aquí algúns dos estupendos marcapáxinas olímpicos realizados polo noso alumnado en colaboración coas súas familias.

Podedes ver moitos máis no Recanto de Mik

CIDADES E PAÍSES OLÍMPICOS. ACTIVIDADES

Aquí tedes unha serie de actividades e informacións relacionadas con todos os países e cidades que tiveron a gran honra de celebrar uns XOGOS OLÍMPICOS.
Pasádeo ben e disfrutade aprendendo e xogando.

Caderno de Investigación do Segundo Ciclo

Este é o caderno de Investigación para o alumnado de terceiro e cuarto (en concreto só dunha cidade e país europeo). Pronto os teredes tamén en papel para empezar coas vosas pescudas sobre as cidades e os países olímpicos.

Open publication - Free publishing - More investigacion

Carteis Olímpicos

Temos aquí todos os Carteis Oficiais correspondentes ás Olimpíadas celebradas na Era Moderna dende Atenas 1896.
Serán de utilidade para o traballo de investigación do segundo Ciclo.

Hai que resaltar varias curiosidades:
. Londres será a primeira sé que celebre os Xogos Olímpicos por terceira vez e será a que faga o número XXX.
. Celebráronse en 22 cidades diferentes de 18 países.
. U.S.A. é o país que leva celebradas máis Olimpíadas (4), en tres cidades.
. Alemaña e Australia celebraron dúas, pero en cidades distintas.
. Xa repetiron: Londres, París, Os Ánxeles e Atenas.
. Non se chegaron a celebrar tres Olimpíadas debido ás Guerras Mundiais.

                        

  

Entroido. Tropece quen tropece

Aquí tedes algunhas fotos do impresionante espectáculo no Entroido "Tropece quen tropece" onde o alumnado do segundo ciclo participou como deportistas de ximnasia rítmica e como tenistas xogando ao voleibol. Destacar tamén a participación dos ciclistas, remeiros, soldados da Garda Real, xogadores de baloncesto, animadoras, cabezudos, xinetes, atletas...
Por certo, adiviñades quen son os cabezudos?

Queda claro despois disto que as Olimpiadas realmente naceron en Castrelos.

Entroido 2012. Ordes do Mecofacho

Se non queres tropezar as ordes do "Mecofacho" debes acatar.

Orde para o luns:
"Se neste Entroido en forma queres estar,
fai moito deporte e, non esquezas,
unha gorra levar"                                                                                        
Orde para o martes: 
"Unha medalla levarás e Olímpic@ serás"     

Orde para o mércores:
"Unha camiseta traerás do deporte que ti elixirás"

Orde para o xoves:
"Coa túa imaxinación e un antifaz olímpico...
molarás mogollón" 

Cidades e países Olímpicos

Aquí tedes o listado de todas as cidades onde se celebraron os Xogos Olímpicos de Verán da era moderna. Só foron interrumpidos polas Guerras Mundiais.
Londres será a primeira cidade que o faga por terceira vez.

Xogos Olímpicos de Verán

• 1896 - I Olimpíada - Atenas, Grecia
• 1900 - II Olimpíada - París, Francia
• 1904 - III Olimpíada - Saint Louis, Estados Unidos de América
• 1908 - IV Olimpíada - Londres, Reino Unido
• 1912 - V Olimpíada - Estocolmo, Suecia
• 1916 - VI Olimpíada - Interrupción debido á I Guerra Mundial
• 1920 - VII Olimpíada - Amberes, Bélxica
• 1924 - VIII Olimpíada - París, Francia
• 1928 - IX Olimpíada - Ámsterdam, Países Baixos
• 1932 - X Olimpíada - Os Ánxeles, Estados Unidos da América
• 1936 - XI Olimpíada - Berlín, Alemaña
• 1940 - XII Olimpíada - Interrupción debido á II Guerra Mundial
• 1944 - XIII Olimpíada - Interrupción debido á II Guerra Mundial
• 1948 - XIV Olimpíada - Londres, Reino Unido
• 1952 - XV Olimpíada - Helsinki, Finlandia
• 1956 - XVI Olimpíada - Melbourne, Australia
• 1960 - XVII Olimpíada - Roma, Italia
• 1964 - XVIII Olimpíada - Toquio, Xapón
• 1968 - XIX Olimpíada - Cidade de México, México
• 1972 - XX Olimpíada - Múnic, República Federal de Alemaña
• 1976 - XXI Olimpíada - Montreal, Canadá
• 1980 - XXII Olimpíada - Moscova, Unión Soviética
• 1984 - XXIII Olimpíada - Os Ánxeles, Estados Unidos de América
• 1988 - XXIV Olimpíada - Seúl, Corea do Sur
• 1992 - XXV Olimpíada - Barcelona, España
• 1996 - XXVI Olimpíada - Atlanta, Estados Unidos da América
• 2000 - XXVII Olimpíada - Sydney, Australia
• 2004 - XXVIII Olimpíada - Atenas, Grecia
• 2008 - XXIX Olimpíada - Pequín, China
• 2012 - XXX Olimpíada - Londres, Reino Unido
• 2016 - XXXI Olimpíada - Río de Xaneiro, Brasil