CARROS DE FUEGO (Chariots of fire)

Gozade todos e todas deste impresionante vídeo de Vangelis gravado en directo na Acrópolis de Atenas (Templo de Zeus),que como sabedes foi a música escollida para a exposición das cidades e países olímpicos do segundo ciclo.



A película conseguiu catro Oscars en 1982, por suposto un deles foi esta incrible banda sonora.  

CIDADES E PAÍSES OLÍMPICOS

Onte foi o día que os expertos e expertas, vestidos de gregos e gregas, do segundo ciclo, deron a coñecer toda a súa sabiduría sobre as cidades e países olímpicos. A pesar dos nervios, a exposición do traballo resultou de marabilla, e foi un estupendo final ao gran traballo de colaboración e investigación realizado.
Podedes atopar máis información no Recanto de Mik e na páxina web do colexio.

 Noraboa!

CIDADES E PAÍSES OLÍMPICOS - foto montaje

INCRIBLE AVENTURA EN LONDRES

Aquí podedes ver, ler e disfrutar co conto elaborado e ilustrado polo alumnado do segundo ciclo (terceiro e cuarto).

Open publication - Free publishing - More contos

FOTOS DÍA DO CINE

Aínda que pasaron algúns días, agora podedes visualizar algunha das fotografías realizadas o día que estivemos no cine.

Copito - foto montaje

COPITO

Hoxe tivemos a oportunidade de ver a proxección da película Copito. Foi en Yelmo cines (Centro comercial Travesía de Vigo). Tamén houbo diversas actividades de animación realizadas por Barafunda S.L. nas que participou o alumnado dos diferentes centros que alí estaban. Esta foi unha actividade dinamizadora do galego ofertada polo Servizo de Normalización Lingüística do Concello de Vigo dirixida á poboación escolar.

Copito, o único gorila branco do mundo, chega ao zoo de Barcelona. A súa cor fai que acapare todas as miradas das e dos visitantes, mais tamén provoca o rexeitamento dos seus novos compañeiros gorilas, que non o aceptan como un dos seus.
Cando Copito descobre que a famosa bruxa do Norte está de paso en Barcelona, decide ir na súa procura para que lle dea unha poción que o convirta nun gorila negro e normal.
Mais o que non sabe Copito é que fóra o espera Lua de Sac, un gafe malvado que o quere atrapar, xa que só o corazón dun gorila branco pode acabar coa súa mala sorte.
Para lle facer fronte Copito terá compaña: o panda Aliur e a pequena Paula serán quen o axuden nesta fantástica aventura.

LETRAS GALEGAS 2012

CERIMONIA ACENDIDO FACHO OLÍMPICO

Hoxe celebrouse a cerimonia do acendido do facho olímpico. A actriz Ino Menegaki, no papel de Gran Sacerdotisa de Olimpia, escoltada por dez mulleres en representación das Virxes Vestais, entregou a chama a Spyros Yanniotis. Nada impediu que Apolo acendese o lume sagrado dos Xogos Olímpicos de Londres na antigua Olimpia, sé dos primeiros xogos, para que chegue puntual á súa cita na capital británica o próximo 27 de xullo..

         

POESÍAS EN TERCEIRO

O alumnado de terceiro está escribindo unhas fermosas poesías relacionadas co libro de ANTÓN CORTIZAS "Vaia tropa". Tedes de mostra un precioso exemplo.

O SEGUNDO CICLO CELEBRA OS MAIOS

A comunidade educativa celebrou este gran día. Aínda que debido ao mal tempo tivemos que facelo no ximnasio todo saiu estupendamente. Podedes ver algunhas fotografías do alumnado de terceiro e cuarto.

Segundo ciclo o día dos Maios - foto montaje

OS MAIOS

A festa dos Maios, tamén coñecida simplemente como os Maios, é unha festa popular de orixes ancestrais. Esta celebración primaveral adóitase celebrar o 1 de maio) se ben en Ourense faise tradicionalmente o día 3. Tiña antigamente connotacións rituais totémicas á divindade primaveral ou das árbores, que se foron perdendo co paso do tempo.
A celebración das festas de maio é común en moitos países de Europa, onde existen variantes similares da mesma festividade.
A festa consiste en realizar diversas representacións ao redor dunha árbore ou escultura, chamada maio. Grupos de xente cantan coplas populares (que tamén reciben a denominación de maios), ás veces dialogadas, mentres camiñan arredor da escultura, acompañados da percusión de dous paus. Era habitual pedir aos asistentes un aguinaldo que, por Lugo e Ourense, adoitaba consistir nunha presada de castañas maiolas (castañas secas), noces ou abelás, substituído hoxe por diñeiro.

Personalize your own picture collage

PAPIROFLEXIA-ORIGAMI

O origami (折り紙) é a arte de orixe xaponesa do pregado do papel (literalmente significa "Pregar" (oru, 折る) "Papel" (kami, 紙), en galego coñécese como papiroflexia ou "facer paxaros de papel".

O origami defínese como a arte educativa na cal as persoas desenvolven a súa expresión artística e intelectual. Tamén hai quen di que é a esencia que se esconde tras os dedos daqueles que pregan papeis para dar nacemento a innumerables figuras.

Partindo dunha base inicial (cadrados e rectángulos xeralmente) obtéñense figuras que poden ir dende modelos sinxelos ata pregados de gran complexidade. Os suxeitos preferidos para modelar son animais e outros elementos da natureza (flores, árbores, etc).

Podedes ver unhas creacións, finalmente decoradas, feitas polo alumnado de cuarto.

MARCAPÁXINAS OLÍMPICOS

Tedes aquí algúns dos estupendos marcapáxinas olímpicos realizados polo noso alumnado en colaboración coas súas familias.

Podedes ver moitos máis no Recanto de Mik

SILVESTRE GÓMEZ XURXO

Os alumnos e alumnas de cuarto tivemos a honra de contar con Silvestre Gómez Xurxo, autor do libro TI NON XOGAS! que estivemos lendo e traballando recentemente.
Falounos de diversas cuestións, contestou a numerosas preguntas e finalmente asinou os exemplares do alumnado.
Moitas grazas Silvestre.

DÍA DO LIBRO

Hoxe, celebrando o DÍA DO LIBRO, realizamos esta preciosa actividade, no que os padriños e madriñas len un conto aos seus afillados e afilladas. Aínda que o tempo meteorolóxico non nos acompañou, xa que tivemos que facela no ximnasio e non ao exterior, todo o alumnado quedou encantado.

DÍA DA TERRA

Día Internacional da Terra
A Bandeira da Terra.
Nome oficial	Día Internacional da Terra
Significado	Concienciar sobre os retos para preservar o planeta
Día de celebración	22 de abril
Celebrado desde	22 de abril de 1970
Lugar de celebración	Día Internacional

O Día da Terra é un día celebrado en moitos países o 22 de abril. O seu promotor, o senador estadounidense Gaylord Nelson, instaurou este día para crear unha conciencia común aos problemas da superpoblación, a producción de contaminación, a conservación da biodiversidade e outras preocupacións ambientais para protexer a Terra.

PADRIÑOS E MADRIÑAS DE 3º. AFILLADOS E AFILLADAS DE 1º

Este venres os padriños e madriñas lectores de 3º foron á aula de 1º para saber quen sería o neno ou nena que lle correspondería despois de ir sorteando as tarxetas. Seguro que esta experiencia literaria cos seus afillados e afilladas será moi positiva e entrañable.

PADRIÑOS E MADRIÑAS DE 4º. AFILLADOS E AFILLADOS DE 2º

O xoves día 19 sorteáronse os padriños e madriñas lectores(alumnado de 4º) e afillados e afilladas (alumnado de 2º) na aula destes últimos. Unha gran emoción acompañou o acto. Estamos seguros de que os libros escollidos serán do gusto de todos e todas.

CIDADES E PAÍSES OLÍMPICOS. ACTIVIDADES

Aquí tedes unha serie de actividades e informacións relacionadas con todos os países e cidades que tiveron a gran honra de celebrar uns XOGOS OLÍMPICOS.
Pasádeo ben e disfrutade aprendendo e xogando.

As paisaxes de Galicia

O relevo, as augas, a vexetación e a fauna son elementos das paisaxes.

O relevo de Galicia pode ser de interior e de costa. No relevo de interior hai montañas, vales e chairas. As montañas forman o Macizo Galaico e están ao leste, e entre elas hai vales. Cara ao oeste hai zonas baixas. Galicia conta cunha extensa cosata, onde destacan as rías.

Galicia está percorrrida por moitos ríos curtos e caudalosos. O río máis longo é o Miño. Outros son o Sil, o Tambre, o Ulla e o Eume. Nos ríos hai encoros.

Galicia ten clima atlántico, con temperaturas suaves e moitas precipitacións. A vexetación de Galicia é moi variada e abundante, con bosques e pradarías.

Día Mundial da Saúde

Hoxe, 7 de abril, conmemórase o DÍA MUNDIAL DA SAÚDE. En todos os rincóns do noso planeta centos de eventos conmemoran a importancia da saúde para unha vida produtiva e feliz.
O tema deste ano é o envellecemento e a saúde e o lema "A boa saúde engade vida aos anos".