A AULA DE SEGUNDO NO HORTO

Os nenos e nenas de segundo estiveron plantando coles e sementando feixóns e facendo fincapé na diferencia entre plantar e sementar.

A AULA DE PRIMEIRO NO HORTO DO COLEXIO

A aula de primeiro estivo sementando espinacas a semana pasada no horto escolar.

EUROS E CÉNTIMOS

Xoga e aprende repasando os euros e os céntimos. Fíxate ben nas cantidades que manexas.

RESPONDEMOS AO C.E.I.P. ILLAS CÍES

Seguro que lle encanta aos alumnos e alumnas de primeiro e segundo do C.E.I.P. Illas Cíes o que lles enviamos.Para primeiro uns comecocos e para segundo unhas cartas. Todos estes agasallos son individuais. 

OS ALIMENTOS ESTÁN DE FESTA

Xa está aquí! Recén saído do forno! Un best seller!

É o conto realizado por todo o alumnado de primeiro e segundo. 

Os alimentos están de festa - Video Maker

REPASA AS TÁBOAS DE MULTIPLICAR

Xoga e repasa as táboas. Clica enriba das imaxes.

MÉRCORES DE POESÍA

Este mércores foi o turno do alumnado das aulas de primeiro e segundo, os nenos e nenas recitaron diversas poesías de Manuel María, Federico García Lorca, Ana Serna...

Coma sempre, unha marabilla.

CADERNO DE INVESTIGACIÓN

O Primeiro Ciclo xa ten o caderno de investigación relacionado co Proxecto deste ano (a alimentación). As aulas de primeiro e segundo están a investigar e recoller información sobre a gastronomía relacionada co Magosto, Nadal e Entroido, aínda que xa son bos coñecedores do tema, despois das doces xornadas gastronómicas levadas a cabo.

ENTROIDO 2014

Impresionante. Que ben o pasamos! Tedes moitas máis fotos no Recanto de Mik

CERTAME GASTRONÓMICO DE ENTROIDO

Hoxe o alumnado de primeiro e segundo trouxo unha gran cantidade de postres feitos con diferentes receitas típicas do Entroido: filloas, orellas, flores, buñuelos, leite fritida...
Estaba todo riquísimo, e ademais despois de merendar e degustar tan exquisitos pratos aínda quedaba para quegran parte do resto do alumnado do centro pasase a tomar algo destas marabillas gastronómicas.

MOITAS GRAZAS AO ALUMNADO DE PRIMEIRO E SEGUNDO E ÁS SÚAS FAMILIAS POLA EXTRAORDINARIA COLABORACIÓN

certame gastronómico de entroido - presentacion imagenes

OS MERDEIROS CHEGAN A SEGUNDO

Os Merdeiros son uns personaxe do Entroido da nosa cidade. Estiveron "asustándonos" na nosa aula, aínda que non o conseguiron moito despois da sorpresa inicial, xa que os nenos e nenas de segundo rapidamente descubriron que era o alumnado de sexto. Pasámolo  moi ben grazas a eles.

CORRESPONDENCIA EN FEBREIRO CO CEIP ILLAS CÍES

Hai uns días chegou correspondencia procedente do Ceip Illas Cíes para o alumnado de 1º e 2º. O noso alumnado está encantado. Agora tócanos a nós responder ás súas cartas e agasallos.

XOGO DOS ANIMAIS

Serás quen de acertar correctamente todas as cuestións? Comproba canto sabes sobre os animais.

DÍA DA PAZ. PRIMEIRO CICLO

Temos algunhas mostras dos traballos realizados neste Día da Paz polo alumnado de primeiro e segundo.

DÍA DA PAZ. NELSON MANDELA

Unha vida de loita pola igualdade, a dignidade e a liberdade

NELSON ROLIHLAHLA MANDELA

O 5 de decembro de 2013 morría Nelson Mandela, o primeiro presidente negro dunha Suráfrica libre do rexime racista do Apartheid. Mandela foi un loitador dende a súa xuventude que reclamou a igualdade de dereitos para todas e todos os surafricanos, independentemente da cor da súa pel. 

Pagou un alto prezo, 27 anos no cárcere, moitos deles no penal de Robben Island, pero non se dobregou e finalmente o goberno racista de Pretoria tivo que ceder e, tras liberalo, convocar eleccións libres que Mandela, á fronte do Congreso Nacional Africano, gañou.

Deste xeito convertíuse no presidente que había rematar co sistema do Apartheid, dotando a Suráfrica dun sistema igualitario onde a cor da pel non significase diferencia de dereitos.

ANIMAIS EXTRAÑOS: ORNITORRINCO E EQUIDNA

Tedes aquí un pequeno, pero moi interesante vídeo sobre algúns animais moi moi raros dos que xa se falou na clase.

XOGA E APRENDE COS ANIMAIS

Para repasar todo o que sabedes sobre os animais podedes facer as actividades do seguinte xogo. Pode ser tamén a pantalla completa.

EL CUENTO DE LOS CUENTOS

Un conto que combina animacións e distintas imaxes para motivar ao alumnado hacia o placer pola lectura e os seus beneficios. Clica enriba e poderás ir ao vídeo.

OS ANIMAIS

Vídeo sobre a clasificación dos animais e algunha das súas características.