ACTIVIDADES INTERACTIVAS SOBRE A GASTRONOMÍA NO MAGOSTO, NADAL E ENTROIDO

Recén saídas do forno estas actividades para o Primeiro Ciclo. Seguro que o ides pasar moi ben facéndoas.

ROMA E EXIPTO

Uns vídeos sobre as outras dúas etapas da historia que traballamos na aula. 

VISITA DE CONCHA BLANCO

O pasado venres tivemos a honra de contar coa visita da escritora Concha Blanco, a autora dos libros que traballamos neste trimestre nas aulas de primeiro e segundo.

LETRAS GALEGAS 2014

 Xosé María Díaz Castro naceu na parroquia dos Vilares, no concello de Guitiriz, o 19 de febreiro de 1914. A súa familia era unha familia labrega, aínda que o seu pai traballou unha tempada como escribinte. 
 Xosé María era coñecido no lugar polo nome de Pepe e, de pequeno, axudaba nos labores do campo e a coidar as vacas.
 De neno estudou nunha escola da súa aldea mandada construír polos veciños emigrados a Cuba. A escola era coñecida como « A escola da Conchada».
 De mozo foi estudar para crego no Seminario de Mondoñedo e alí comezou a escribir as súas primeiras poesías e a publicar algunhas delas no xornal «El Progreso Villalbés», de Vilalba, en Lugo.
 Despois de deixar o Seminario dedicouse a estudar varios idiomas, traballando moitos anos en Madrid como tradutor e profesor de inglés, francés e alemán.
 Publicou un libro titulado «Nimbos» cos seus poemas en galego.
 Este ano a Real Academia Galega dedícalle o Día das Letras Galegas pola defensa e uso que fixo do noso idioma.

A PREHISTORIA

Como en segundo estamos a traballar o paso do tempo. Este é un vídeo dunha das épocas que levamos visto, sobre o Home de Cromagnon na PREHISTORIA.

UNIÓN EUROPEA

O pasado 9 de maio foi o día de Europa.

Clica enriba da bandeira da Unión Europea e terás a posibilidade de ir á páxina oficial onde podes facer xogos e pasatempos que te permitirán coñecer mellor Europa.

BANDERA UNIÓN EUROPEA

OS FANTÁSTICOS LIBROS VOADORES

Cortametraxe sobre o amor aos libros e o valor da lectura.

DÍA DO LIBRO. PADRIÑOS E MADRIÑAS LECTORES. AFILLADOS E AFILLADAS

O PASADO MÉRCORES 23 DE ABRIL CONMEMOROUSE O DÍA DO LIBRO. O TEMPO ACOMPAÑOUNOS E FIXEMOS A LECTURA NO PATIO DO COLEXIO. Se clicas nas dúas imaxes de arriba podes ir ao Recanto de Mik e alí terás moitas máis imaxes.

A AULA DE SEGUNDO NO HORTO

Os nenos e nenas de segundo estiveron plantando coles e sementando feixóns e facendo fincapé na diferencia entre plantar e sementar.

A AULA DE PRIMEIRO NO HORTO DO COLEXIO

A aula de primeiro estivo sementando espinacas a semana pasada no horto escolar.

EUROS E CÉNTIMOS

Xoga e aprende repasando os euros e os céntimos. Fíxate ben nas cantidades que manexas.

RESPONDEMOS AO C.E.I.P. ILLAS CÍES

Seguro que lle encanta aos alumnos e alumnas de primeiro e segundo do C.E.I.P. Illas Cíes o que lles enviamos.Para primeiro uns comecocos e para segundo unhas cartas. Todos estes agasallos son individuais. 

OS ALIMENTOS ESTÁN DE FESTA

Xa está aquí! Recén saído do forno! Un best seller!

É o conto realizado por todo o alumnado de primeiro e segundo. 

Os alimentos están de festa - Video Maker

REPASA AS TÁBOAS DE MULTIPLICAR

Xoga e repasa as táboas. Clica enriba das imaxes.

MÉRCORES DE POESÍA

Este mércores foi o turno do alumnado das aulas de primeiro e segundo, os nenos e nenas recitaron diversas poesías de Manuel María, Federico García Lorca, Ana Serna...

Coma sempre, unha marabilla.

CADERNO DE INVESTIGACIÓN

O Primeiro Ciclo xa ten o caderno de investigación relacionado co Proxecto deste ano (a alimentación). As aulas de primeiro e segundo están a investigar e recoller información sobre a gastronomía relacionada co Magosto, Nadal e Entroido, aínda que xa son bos coñecedores do tema, despois das doces xornadas gastronómicas levadas a cabo.

ENTROIDO 2014

Impresionante. Que ben o pasamos! Tedes moitas máis fotos no Recanto de Mik

CERTAME GASTRONÓMICO DE ENTROIDO

Hoxe o alumnado de primeiro e segundo trouxo unha gran cantidade de postres feitos con diferentes receitas típicas do Entroido: filloas, orellas, flores, buñuelos, leite fritida...
Estaba todo riquísimo, e ademais despois de merendar e degustar tan exquisitos pratos aínda quedaba para quegran parte do resto do alumnado do centro pasase a tomar algo destas marabillas gastronómicas.

MOITAS GRAZAS AO ALUMNADO DE PRIMEIRO E SEGUNDO E ÁS SÚAS FAMILIAS POLA EXTRAORDINARIA COLABORACIÓN

certame gastronómico de entroido - presentacion imagenes

OS MERDEIROS CHEGAN A SEGUNDO

Os Merdeiros son uns personaxe do Entroido da nosa cidade. Estiveron "asustándonos" na nosa aula, aínda que non o conseguiron moito despois da sorpresa inicial, xa que os nenos e nenas de segundo rapidamente descubriron que era o alumnado de sexto. Pasámolo  moi ben grazas a eles.

CORRESPONDENCIA EN FEBREIRO CO CEIP ILLAS CÍES

Hai uns días chegou correspondencia procedente do Ceip Illas Cíes para o alumnado de 1º e 2º. O noso alumnado está encantado. Agora tócanos a nós responder ás súas cartas e agasallos.