DÁLLE FORTE AO ALMORZO

Trátase dunha campaña dentro do programa de visitas escolares promovida por GADIS chamada Aprende a comer ben con Gadis.
Nela visítanse distintas seccións do supermercado á vez que se fala da importancia de comer variado, da dieta equilibrada, da importancia dun bo almorzo, da pirámide alimenticia...

CAILLOU AFORRA AUGA

Relacionado co proxecto da auga que se está a desenvolver no noso colexio ao longo do actual curso, podemos ver un vídeo de como Caillou está preocupado por aforrar auga e busca diversas solucións.

ACTIVIDADE LIM

Xa temos aquí unha serie de actividades interactivas para que os alumnos e alumnas de primeiro e segundo comproben os seus coñecementos e tamén pasen un rato entretidos.

.

VISITA DE JACOBO FERNÁNDEZ SERRANO

O pasado venres día 22, coincidindo ademais coa data do Día Internacional da Auga, tivemos a honra de contar coa visita de Jacobo Fernández Serrano, autor e ilustrador dos libros traballados nas aulas de primeiro e segundo "A GARDERÍA DE DONA BIXELMINA" e "A PEDRA E AS FORMIGAS".

Foron dúas sesións nas que deu informacións interesantes, aclaráronse dúbidas, mostrou ilustracións orixinais dos libros, e finalmente firmou os exemplares de cada alumno e alumna.

PRIMEIRO E SEGUNDO NO HORTO ESCOLAR

Neste mes de marzo o alumnado de primeiro e de segundo plantou  e sementou repolos, cebolas, coles e leitugas. Coa súa ilusión e traballo seguro que haberá unha gran colleita.

SEMANA DA POESÍA 2013

Hoxe o alumnado do Primeiro Ciclo recitou uns poemas, relacionados coa auga, de Antonio García Teijeiro, Rafael Alberti, Manuel María, Manuel Machado...
A pesar dos nervios do riguroso directo, fixérono moi ben. Noraboa.

DÍA DA POESÍA 1º 

DÍA DA POESÍA 2º 

LECTURAS NO PRIMEIRO CICLO

1º

Lucas Leoncavalo vive no circo onde traballan os seus pais. Cando o circo pechou, Lucas xa non será nin domador nin trapecista e será obrigado a ir á gardería de dona Bixelmina, que está invadida por virus e microbios. Lucas Leoncavalo terá en semellante gardería que loitar contra estes terribles bichos que contaxiaban a meniños e meniñas otites, catarros, gripes, lombrigas e pulmonías, conseguindo vencelos. Mais o que non contaba Lucas era que tamén debería vencer á terrible dona Bixelmina. A gardería de dona Bixelmina, escrito e ilustrado por Jacobo Fernández Serrano, é un libro para primeiros lectores sobre o mundo do circo e das enfermidades contaxiosas que se producen nas primeiras idades.

Dúas formigas, que paseaban 

2º

polo campo preto dun escuro bosque, viron na espesura unha pedra grande tapizada de carriza e decidiron descansar ao seu carón para merendar. De súpeto unha afinada voz de muller nova comezou a cantar ás súas costas. Non había dúbida ningunha, a voz viña da pedra. Quen se agocharía alí? A pedra e as formigas é un libro, dixirixido a lectores avanzados de sete anos en diante, escrito e ilustrado por Jacobo Fernández Serrano. Unha divertida fábula de animais sobre a amizade, onde as cancións e adiviñas teñen un papel destacado para desvelar a intriga que se lle propón aos lectores.

CADERNO DE INVESTIGACIÓN

Xa está aquí o caderno de investigación do 1º Ciclo. Agora o alumnado de primeiro e segundo iniciará as súas pescudas para aprender moito máis sobre "A auga no noso planeta e as súas utilidades."

RETO VOCABULARIO EN 2º

Este venres estivo visitando Pinguiña a aula de 2º. Por suposto os alumnos e as alumnas conseguiron superar o reto xenial do vocabulario. Que xente tan aplicada! Noraboa.

RETO VOCABULARIO EN 1º

Sabedes unha cousa? 
 Esta mañá pasou a nosa amiga Pinguiña pola clase de 1º tal como nos tiña prometido. Conseguimos superar o reto xenial do vocabulario relacionado coa auga. Podedes ver algunha das fotografías do especial acontecemento. Agora coñecemos perfectamente algunhas palabras como fervenza, sarabia, billa, folerpa, treboada...

VISITA AOS BOMBEIROS

Hoxe foi un día xenial.
Como este ano estamos a traballar como Proxecto de centro "A auga" e máis concretamente no primeiro ciclo "A auga no noso planeta. As súas utilidades", realizamos unha entretida e estupenda visita ao Parque central dos bombeiros de Teis.
Alí visitamos as súas instalacións, contáronnos cousas interesantes, subimos a un camión, utilizamos as mangueiras, puxemos un casco, baixamos pola barra...

Bombeiros - diapositivas

FESTA DO ENTROIDO 2013

Outra vez un gran éxito a festa do entroido: música, bailes, vestiario...
O alumnado do Primeiro Ciclo tivo unha moi importante participación ao igual que o resto do colexio. Podedes ver algunhas das fotos de dito día (a maioría son dos nenos e nenas de 1º e 2º) e como se preparaban nas súas aulas.

Moitas grazas ás familias pola súa colaboración e participación. 

 Podedes ver moito máis no Recanto de Mik e na web do colexio.

Entroido 2013 - foto montaje

ENTROIDO. MARTES E MÉRCORES.

Aquí está o alumnado de primeiro e segundo seguindo as ordes de Don Porcallán do martes e do mércores.

ACTIVIDADES ENTROIDO

CONTO E ACTIVIDADES SOBRE O ENTROIDO. 
A PASALO BEN!

 

SEMANA DO ENTROIDO

 Esta semana celebramos o Entroido. Don Porcallán xa deu as ordes diarias dende o luns ata o xoves para que todos e todas as cumplan.
Tedes aquí ao alumnado de segundo e primeiro cos seus anteollos "fashion, fashion" seguindo a orde do luns.

CELEBRAMOS O DÍA DA PAZ

Hoxe 30 de xaneiro no noso colexio celebrouse o Día da Paz. Por suposto o alumnado de primeiro e segundo realizou diferentes actividades, algunhas delas interactivas, relacionadas con tan importante data.

Ademais houbo unha sorpresa moi agradable, xa que tivemos correspondencia, para as dúas aulas, dos nenos e nenas do Primeiro Ciclo do CEIP Illas Cíes.

MEL DE GALICIA

Os bosques galegos esconden un gran tesouro, un tesouro ligado á natureza, á tradición, a Galicia... é un ouro doce, o Mel de Galicia. 


Unha representante do Consello Regulador do I.X.P. Mel de Galicia fixo unha visita moi interesante ao Primeiro Ciclo. 

Primeiro, unha explicación e mostra de obxectos relacionados co mel, e a continuación, todos e todas a probala.

Mel de Galicia

O mel é un produto natural e fresco que se produce de forma artesanal desde fai centos de anos. Os colmenares galegos caracterízanse por ser pequenos e por estar coidados con esmero polo apicultor. Estes coidados e atencións no proceso de elaboración permiten ao mel conservar as súas propiedades xenuínas nas diferentes variantes elaboradas e amparadas pola Indicación Xeográfica Protexida: meles multiflorais, meles monoflorais de eucalipto, meles monoflorais de castiñeiro, meles monoflorais de zarza, meles monoflorais de brezo.

DÍA DA PAZ. 2013

O día 30 de xaneiro celebrarase O DÍA ESCOLAR POLA PAZ E A NON VIOLENCIA. Podedes realizar algunha das actividades relacionadas con dita data, algunha das cales están No Recanto de Mik ou na Páxina Web do noso colexio.

 

Puzzle

--
------------

Escritores e escritoras no Primeiro Ciclo

Esta fin de semana o alumnado de primeiro empezou a súa andaina co seu caderno de escritor ou escritora, onde periodicamente, como se fose un diario ou unha axenda escribirán algo propio e interesante, ademais tamén poden copiar algunha poesía ou texto que lles guste. Nesta tarefa os alumnos e alumnas de segundo  son uns expertos xa que levan un ano facendo marabillosas achegas.

Segundo

Primeiro

Segundo

Segundo

Primeiro

Primeiro

Inverno

Preciosa música de Vivaldi xunto con imaxes do inverno.