ROBERTO VIDAL BOLAÑO. LETRAS GALEGAS 2013

Este ano o Día das Letras Galegas está adicado a Roberto Vidal Bolaño que realizou numerosas tareas relacionadas co teatro. Naceu e morreu en Santiago.

Podedes realizar diferentes actividades sobre as Letras Galegas recollidas do Ceip de Mallón.

BOTES CON SAL DE CORES

Podedes contemplar unha manualidade feita polo alumnado de primeiro. Son botes de cristal que levan no seu interior sal de cores. Están quedando moi bonitos. Tede en conta que nas fotos aínda están algúns sen rematar.

DIANA DAS SUMAS

Proba o teu cálculo sumando mentalmente as puntuacións dos dardos que dan na diana. Tes distintos graos de dificultade.

O SAPO E O RAPOSO

Podedes ver unha produción audiovisual baseada nun conto tradicional da nosa comunidade, realizada polo Xabarín Club da TVG para apoiar a campaña do Patrimonio Inmaterial Galego na Unesco.

UNHA BOA COLLEITA

Os nenos e nenas de segundo xa teñen as primeiras leitugas da horta do noso colexio. Mirade que fermosos exemplares.

VERMES DA SEDA

A aula de 2ºempezou cuns pequenos ovos  na clase dos que saíron os vermes da seda que de tanto comer follas de moreira foron medrando e medrando ata que se fixeron grandes e puideron facer a súa casula para meterse dentro e transformarse nunha bolboreta. Algúns nenos e nenas tamén os levaron para as súas casas para seguilos coidando. Se clicas aquí poderás ver un pequeno libro con imaxes sobre os vermes da seda.

DÍA INTERNACIONAL DO LIBRO 2013

O 23 de abril realizouse unha das actividades máis bonitas que se realizan no noso colexio que consiste na lectura por parte dos padriños e madriñas lectores ao seus afillados e afilladas. No noso caso o alumnado de 4º leu os seus libros a 2º, e o alumnado de 3º a 1º. O venres anterior xa se realizara o emocionante sorteo para saber quen apadriñaba ou amadriñaba a cada quen. 

Día do Libro 2013 - presentacion imagenes

Tedes máis información no Recanto de Mik

XOGANDO COS CONTOS

A Concellería de NL. a través do Servizo de Normalización Lingüística do Concello de Vigo, realizou unha actividade dinamizadora do galego dirixida ao alumnado de 1º, 2º e 3º.

O aspecto lúdico e o mundo da ficción son imprescindibles para favorecer a aprendizaxe das nenas e nenos, reforzando a expresión e a comunicación.

O xogo dramático e o conto son os dous elementos que lle dan "vida" a esta actividade na que se escenificaron diversos contos.

PRIMEIRO SEMENTA XUDÍAS

A clase de primeiro sementou xudías este pasado xoves. Agora con este bo tempo que por fin temos, esperamos que medren axiña.

SEGUNDO SEMENTA ACELGAS E ESPINACAS

Na primeira semana deste mes de abril, os alumnos e alumnas de segundo sementaron acelgas e espinacas no horto escolar. Ademais decatáronse de que había que protexer os repolos e as coles dos paxariños e as pombas, xa que estaban comendo as súas follas.

ANXO MOURE. O CARBALLO CON BOTAS

Tivemos unha MOI entretida sesión de animación á lectura realizada por ANXO MOURE, O CARBALLO CON BOTAS.

Moitas grazas por facernos pasar uns momentos tan divertidos.

DÁLLE FORTE AO ALMORZO

Trátase dunha campaña dentro do programa de visitas escolares promovida por GADIS chamada Aprende a comer ben con Gadis.
Nela visítanse distintas seccións do supermercado á vez que se fala da importancia de comer variado, da dieta equilibrada, da importancia dun bo almorzo, da pirámide alimenticia...

CAILLOU AFORRA AUGA

Relacionado co proxecto da auga que se está a desenvolver no noso colexio ao longo do actual curso, podemos ver un vídeo de como Caillou está preocupado por aforrar auga e busca diversas solucións.

ACTIVIDADE LIM

Xa temos aquí unha serie de actividades interactivas para que os alumnos e alumnas de primeiro e segundo comproben os seus coñecementos e tamén pasen un rato entretidos.

.

VISITA DE JACOBO FERNÁNDEZ SERRANO

O pasado venres día 22, coincidindo ademais coa data do Día Internacional da Auga, tivemos a honra de contar coa visita de Jacobo Fernández Serrano, autor e ilustrador dos libros traballados nas aulas de primeiro e segundo "A GARDERÍA DE DONA BIXELMINA" e "A PEDRA E AS FORMIGAS".

Foron dúas sesións nas que deu informacións interesantes, aclaráronse dúbidas, mostrou ilustracións orixinais dos libros, e finalmente firmou os exemplares de cada alumno e alumna.

PRIMEIRO E SEGUNDO NO HORTO ESCOLAR

Neste mes de marzo o alumnado de primeiro e de segundo plantou  e sementou repolos, cebolas, coles e leitugas. Coa súa ilusión e traballo seguro que haberá unha gran colleita.

SEMANA DA POESÍA 2013

Hoxe o alumnado do Primeiro Ciclo recitou uns poemas, relacionados coa auga, de Antonio García Teijeiro, Rafael Alberti, Manuel María, Manuel Machado...
A pesar dos nervios do riguroso directo, fixérono moi ben. Noraboa.

DÍA DA POESÍA 1º 

DÍA DA POESÍA 2º 

LECTURAS NO PRIMEIRO CICLO

1º

Lucas Leoncavalo vive no circo onde traballan os seus pais. Cando o circo pechou, Lucas xa non será nin domador nin trapecista e será obrigado a ir á gardería de dona Bixelmina, que está invadida por virus e microbios. Lucas Leoncavalo terá en semellante gardería que loitar contra estes terribles bichos que contaxiaban a meniños e meniñas otites, catarros, gripes, lombrigas e pulmonías, conseguindo vencelos. Mais o que non contaba Lucas era que tamén debería vencer á terrible dona Bixelmina. A gardería de dona Bixelmina, escrito e ilustrado por Jacobo Fernández Serrano, é un libro para primeiros lectores sobre o mundo do circo e das enfermidades contaxiosas que se producen nas primeiras idades.

Dúas formigas, que paseaban 

2º

polo campo preto dun escuro bosque, viron na espesura unha pedra grande tapizada de carriza e decidiron descansar ao seu carón para merendar. De súpeto unha afinada voz de muller nova comezou a cantar ás súas costas. Non había dúbida ningunha, a voz viña da pedra. Quen se agocharía alí? A pedra e as formigas é un libro, dixirixido a lectores avanzados de sete anos en diante, escrito e ilustrado por Jacobo Fernández Serrano. Unha divertida fábula de animais sobre a amizade, onde as cancións e adiviñas teñen un papel destacado para desvelar a intriga que se lle propón aos lectores.

CADERNO DE INVESTIGACIÓN

Xa está aquí o caderno de investigación do 1º Ciclo. Agora o alumnado de primeiro e segundo iniciará as súas pescudas para aprender moito máis sobre "A auga no noso planeta e as súas utilidades."

RETO VOCABULARIO EN 2º

Este venres estivo visitando Pinguiña a aula de 2º. Por suposto os alumnos e as alumnas conseguiron superar o reto xenial do vocabulario. Que xente tan aplicada! Noraboa.