REAPERTURA DA BIBLIOTECA

Estivo Mik o xoves na aula de primeiro facendo unha visita, e trouxo unha carta e unhas pistas para que o alumnado adiviñase que continente vai traballar primeiro e segundo. 

O venres foi a reapertura da biblioteca e o artista invitado foi o músico Joao Paulo Espanhol.

CHEGA O SAMAÍN

Xa que está próxima a data do Samaín, podes ir decorando unha cabaza como ti queiras. Clica enriba para empezar. A facer unha creación estupenda!

Este curso imos traballar dentro da "Volta ao Mundo en 80 historias"o continente onde vivimos: Europa. Aquí tedes un mapa un tanto especial onde está cada país coa súa bandeira. Xa atopaches España? Moi ben.

TRAGALETRAS

O tragaletras é un xogo con actividades de ortografía e vocabulario para alumnado de primeiro, segundo e incluso terceiro.
Clica enriba para xogar

A LENDA DO OUTONO

Aquí tedes a lenda do outono onde ademais falarán das características desta estación do ano.

XOGOS OUTONO

CLICA ENRIBA DAS IMAXES E PODERÁS FACER ALGÚNS XOGOS DESTA ESTACIÓN DO ANO QUE ACABA DE EMPEZAR.

INICIO CURSO 2016/17

Iniciamos un novo curso. Os de primeiro pasaron a segundo e os de 6º de Infantil xa chegaron a Primaria. Benvidos

Alumnado de 1º

Alumnado de 2º

FELIZ VERÁN

Boas vacacións para todo este estupendísimo alumnado e a gozar das vacacións. Aí vai unha fotografía do último día do curso.

VIAXE ÁS ILLAS CÍES

Menuda saída de final de curso! O alumnado das aulas de primaria xunto cun bo número de mestres realizaron unha inesquecible excursión de todo o día ás Illas Cíes. Todo transcurriu de marabilla: a ida e volta en barco, os monitores, as distintas rutas camiñando, o bo día que fixo, a auga, a area... Imposible un sitio mellor.

CAMIÑA CON NÓS POLA IGUALDADE

O pasado martes  o  alumnado de segundo participou na segunda parte de "Camiña con nós pola igualdade". A finalidade do programa é fomentar a educación na cultura de igualdade de oportunidades entre nenas e nenos desde a comunidade educativa para promover a coeducación e previr a violencia de xénero. É un programa educativo elaborado e implementado dende a Concellería de Igualdade do Concello de Vigo, dirixido ao alumnado de Educación Infantil e 2º,4º e 6º de Primaria.

ACTIVIDADES INTERACTIVAS SOBRE VIGO

http://

TEATRO NO CONCELLO

Todo  alumnado de Educación Primaria foi partícipe  das VII xornadas municipais de teatro escolar no auditorio do Concello, e da excelente representación "O principiño" realizada polos actores e actrices do CEIP Mestres Goldar.  O alumnado de quinto e algúns de segundo e sexto fixeron unha estupenda representación teatral. Nobaoa. 

O resto de alumnos e alumnas de Primaria asistiron como espectadores. Foi incrible. 

Clica enriba do programa para ir ao Recanto de Mik

SEGUNDO VISITA VITRASA

A aula de segundo visitou as instalacións de Vitrasa. Estivemos nos talleres, tamén nas oficinas, subimos a autobuses de distintas épocas...

LEITUGAS

HAI XA UNS DÍAS O ALUMNADO DE SEGUNDO LEVOU AS LEITUGAS QUE PLANTARAN NO SEU MOMENTO NA HORTA DA ESCOLA. TEDES AS FOTOS DA COLLEITA FINAL (A IMAXE MAIOR) E DA PLANTACIÓN INICIAL.

ABECEDARIO

Se queres repasar o abecedario aquí tes un xogo interesante.

POESÍAS 2016

CLICA ENRIBA DAS IMAXES e darás paso ao Recanto de Mik onde tes moitas máis fotografías

Segundo

Primeiro

MANUEL MARÍA. LETRAS GALEGAS 2016

Manuel María é o autor homenaxeado este ano na data das Letras Galegas. É autor dunha chea de libros, utilizando todos os xéneros literarios: poesía, narrativa, teatro... sendo un dos poetas galegos máis musicados de todos os tempos.Clica enriba da imaxe e poderás realizar unhas interesantes actividades interactivas

FOTO DE 1º E 2º

Esta estupenda fotografía é de todo o alumnado de primeiro e segundo. Dita imaxe figura na contraportada do conto realizado polas dúas clases "O OVO MÁXICO DO DINOSETO". Pronto será un best seller.

MAIOS 2016

Entre o martes e o mércores o alumnado estivo colaborando na construcción do maio. Finalmente no patio do colexio o acto ao que tamén foron invitadas as familias. Clicando sobre a imaxe irás ao Recanto de Mik onde podes ver as distintas fases da construcción e a celebración final.

PADRIÑOS E MADRIÑAS LECTORES. AFILLADOS E AFILLADAS.

Clicade enriba das imaxes e podedes ir ao Recanto de Mik onde tedes unha gran cantidade de imaxes.