Nenas e nenos, xa está aquí o Entroido. O venres será un día especial, pero para ir quentando, aí tedes o MECO coas ordes diarias. A PASALO FENOMENAL!
Xoga a atopar os países da Unión Europea. Lembra que son 27 países. O Reino Unido xa non está.
O xoves e o venres tivemos outras novas e interesantes exposicións. Íker falounos do tiburón branco (un gran peixe que vive en augas cálidas e temperadas de case todos os océanos e que se destaca polo branco do seu ventre) e Anxo sobre a tartaruga laúd que é a maior de todas as tartarugas mariñas que pode medir ata 2,3 metros e pesar ata 600 Kg.
Un fenomenal traballo!!
Hoxe tivemos unha nova conferencia realizada por Sara e o luns outra feita por Alicia. Dúas estupendas exposicións sobre dous animais en perigo de extinción. No primeiro caso Sara falounos do KOALA (un marsupial que vive en Australia, dorme moito e come follas de eucalipto) e Alicia do TIBURÓN CEBRA (un animal nocturno, que vive no Índico e parte do Pacífico, e que é inofensivo para os humanos).
Parabéns polo voso traballo!
Está exposto no portalón de entrada do colexio o fantástico cartel feito entre o alumnado de terceiro e cuarto. É o símbolo da PAZ. Todo está feito coas grúas que os nenos e nenas fixeron. Marabilloso traballo!
Sabiades que regalar grúas de papel asociouse co feito de desexar saúde, benestar, felicidade e prosperidade?
Pronto será o DÍA DA PAZ
As grúas de Origami ou papiroflexia son moi coñecidas en Xapón e o seu símbolo máis característico é para dar sorte e traer PAZ á túa vida.
Con todo, esta costume fíxose popular despois da segunda Guerra Mundial, pola historia de SADAKO SASAKI, unha nena que enfermou como consecuencia da bomba atómica que EEUU lanzou sobre Hiroshima causando moito dano á súa poboación.
Sadako escoitara a lenda que 1000 grúas de papel, que dicía que, se unha persoa logra facer 1000 grúas de papel en origami, conseguiría unha longa vida ou recuperarse dunha enfermidade.
Así que se puxo mans á obra! 
Anos despois levantouse un monumento de Sadako, no Parque da Paz de Hiroshima, sostendo sobre a súa cabeza unha gran grúa de origami. Cada ano a xente deixa miles de grúas de papel como unha mensaxe de paz e esperanza para o mundo.
Pincha sobre a imaxe e poderás ver o vídeo sobre Sadako Sasaki.
Tedes tamén outro interesante vídeo relacionado coas grúas que é a historia de Yoshitaka Ito, o home que alimentou ás grúas de coroa vermella cando estaban a piques de extinguirse en Xapón (clica aquí enriba para ver o vídeo)
